Prokuroria Themelore e Prishtinës ka ngritur aktakuzë për rastin e vrasjes së Liridona Ademajt. Aktakuza është ngritur ndaj katër personave. Ndaj Naim Murselit, bashkëshortit të viktimës, Liridona Ademaj. Dhe ndaj dy kryesve të veprës Granit Plava dhe Kushtrim Kokalla. Ndërsa personi i tretë nuk u bë i ditur.
Vëllai i Liridona Ademaj, Leonard Ademaj, pas konferencës për medie të Prokurorisë Themelore në Prishtinë, tha se presin dënim kapital për të akuzuarit.
Ai theksoi se aktakuzën nuk e kanë pranuar ende dhe se nuk e dinë se cili është motivi, teksa theksoi se takohen me fëmijët dhe se ata kanë kuptuar gjithçka.
“Fëmijët kanë kuptu çka ka ndodh, nuk janë mirë. Për këtë çështje kujdeset shteti i Suedisë, ata e dinë më mirë sepse kanë psikologë, kanë njerëz adekuat që merren me këtë çështje, por çfarë shohim ne është se janë shumë të mërzitur. Presim dënim maksimal”, tha tutje Ademaj.
