Ministri i Shëndetësisë Arben Vitia në ditën e parë të punës së tij ka marr vendim për shkarkimin e sekretarit Ardian Mehmetaj, dhe ka rikthyer në këtë pozitë Naim Bardiqin.
Bardiqi ishte shkarkuar vitin e kaluar nga ish-ministri Armend Zemaj me arsyetimin e performancës së dobët, ndërsa kishte emëruar Mehmetajn në vend të tij, shkruan Gazeta Shneta.
“Më datë 10.07.2020 Ministri i Ministrisë së Shëndetësisë ka nxjerr Vendimin Nr. 602 me të cilin është pezulluar nga puna me pagesë, Sekretari i Përgjithshëm i Ministrisë së Shëndetësisë z. Naim Bardiqi deri në përfundimin e procedurës disiplinore të iniciuar ndaj tij”.
“Nga data e nxjerrjes së Vendimit për pezullimin e deri në nxjerrjen e këtij vendimi nuk është iniciuar, nuk është zhvilluar dhe nuk është përfunduar procedura disiplinore ndaj të suspenduarit”, thuhet në arsyetimin e vendimit të Vitisë. /Gazeta Shneta/
