Pas vërejtjeve skandaloze të shqiptuara nga menaxhmenti i QKUK-së ndaj infermieres dhe mjekes në Gjinekologji, kanë ardhur reagime të ashpra. Madje QKUK është krahasuar edhe me shtetin komunist Korenë e Veriut, në tentim për t’ua mbyllur gojën punëtorëve
Kryetari i Shoqatës për të Drejtat e Pacientëve Besim Kodra ka reaguar ashpër ndaj vërejtjeve që i janë shqiptuar infermieres dhe mjekes në Gjinekologji për njoftimin se mungojnë doreza dhe oxytocinë.
Kodra ka thënë se stafi shëndetësor nuk ka faj për mungesat e barnave dhe materialit shpenzues, ndërsa të ndëshkuarit duhet të jenë ata që nuk e kanë furnizuar spitalin, transmeton Gazeta Shneta.
“Cili është faji i stafit shëndetësor që nuk ka furnizim me barna dhe material shpenzues?! Përkundrazi, stafi mjekësor e ka obligim t’i njoftoj pacientët për mënyrën e shfrytëzimit të shërbimeve shëndetësore. Këtu të ndëshkuarit do të duhej të ishin ata që nuk e kanë furnizuar spitalin, jo ata që e thonë të vërteten! Nëse ata kanë gënjyer, atëherë është komplet qështje tjeter. Kjo qasje na qonë nga Koreja e Veriut!”, ka shkruar Kodra. /Gazeta Shneta/
