Gjatë ditëve të vikendit, Spitali i Përgjithshëm “Dr. Sami Haxhibeqiri” në Mitrovicë ka regjistruar fluks të shtuar pacientësh në disa shërbime kryesore.
Sipas të dhënave zyrtare, në Repartin e Pediatrisë kanë kërkuar ndihmë mjekësore gjithsej 224 fëmijë, prej të cilëve gjashtë janë mbajtur për trajtim të mëtejshëm spitalor.
Ngarkesë e konsiderueshme është shënuar edhe në Shërbimin Emergjent, ku janë trajtuar 225 pacientë me raste të ndryshme, përfshirë aksidente, si dhe raste ortopedike, internistike dhe kirurgjike.
Gjatë kësaj periudhe, 140 pacientëve u janë kryer analiza laboratorike, ndërsa Shërbimi i Radiologjisë ka qenë po ashtu i angazhuar, duke realizuar 64 radiografi (rëntgen), 22 tomografi të kompjuterizuara (CT) dhe 40 ekzaminime me eko/ultrazë.
