Ministri i Shëndetësisë, Arben Vitia, ka bërë të ditur se kanë nisur punimet për renovimin e Klinikës së Gjinekologjisë.
Vitia ka thënë se në këtë klinikë do të investohen rreth 2 milionë e gjysmë euro dhe transformimet kanë filluar me Gjinekologjinë, pasi këtu kishte më se shumti nevojë.
Mes tjerash, ministri Vitia ka thënë se pas rinvomit – Klinika e Gjinekologjisë do të ketë: dhoma të riorganizuara me 2 shtretër, të kompletuara me kushte optimale e të pajisura me tualet brenda, ambulanca specialistike të rinovuara në tërësi, sportele të reja e të riorganizuara ku pacientet e kanë qasjen e parë, sistemin e rregullimit numëror për pritje të pacienteve, hapësira të reja të pritjes për familjarët e pacienteve, hyrja e rinovuar dhe instalimi i rampës për karroca.