Kryetari i Lëvizjes Vetëvendosje për komunën e Prishtinës, Dr. Arben Vitia, ka konfirmuar zyrtarisht se analizat e shefit të tij Albin Kurtit kanë treguar se nuk ka asgjë serioze.
Vitia nëpërmjet një postimi në Facebook ka falënderuar mjekët e Klinikës Infektive për kujdesin ndaj Kurtit, ndërsa ka thënë se ai do të qëndroj sonte në klinikë ku do të ketë mundësi për të biseduar me pacientë të tjerë dhe personelin mjekësor, shkruan Gazeta Shneta.
Njoftimi i plotë i Arben Vitisë:
Të nderuar miq, mbështetës, edhe gazetarë, edhe njëherë ju falënderoj për mesazhet e shumta. Sot në mëngjes u shqetësuam pak për Albinin, duke ditur që ekziston dhe një epidemi e gripit në Kosovë, por kujdesi mjekësor ishte në nivel.
Fatmirësisht, analizat treguan se nuk është asgjë serioze. Albini është ende në spital. Edhe pse ai po shpreh dëshirën të dalë qysh sot, do të duhet të rrijë këtu deri nesër. Le të bisedojë sot me pacientët e tjerë e me punonjësit shëndetësorë, në dhomat e zakonshme të klinikës infektive ku është shtruar
Edhe një herë ju falënderoj për mesazhet mbështetëse.