Ministri i Shëndetësisë, Dr. Arben Vitia, ka zhvilluar një takim me kryeinspektorin sanitar, Ibrahim Tërshnjaku.
Ky takim ka pasur për qëllim të adreson problemet rreth moszbatimit në plotni të Ligjit për kontrollin e duhanit dhe ndalimin e pirjes së duhanit në ambiente të mbyllura, përcjell Gazeta Shneta.
Vitia, ka thënë se “nuk do të ketë asnjë kompromis”, dhe të gjithë ata që nuk e respektojnë ligjin si individ ose subjekte do të gjobiten nga inspektorët në terren.
Komunikata e plotë nga Ministria e Shëndetësisë:
Ligji kundër duhanit – zbatim pa kompromis
Sot, Ministri i Shëndetësisë, Dr. Arben Vitia, takoi kryeinspektorin sanitar, Ibrahim Tërshnjaku.
Theks të veçantë pati problemi i moszbatimit në plotni i Ligjit për kontrollin e duhanit që e ndalon pirjen e duhanit në ambiente të mbyllura.
Ministri Vitia kërkoi që të njoftohen të gjitha subjektet ku zhvillohet kjo veprimtari se nuk ka arsye për mos respektim të ligjit dhe në këtë drejtim nuk do të ketë asnjë kompromis.
Në mënyrë që ky synim të realizohet pa pengesa Ministria e Shëndetësisë do të bashkëpunojë edhe me Ministrinë e Punëve të Brendshme.
Të gjithë ata që nuk respektojnë dispozitat e këtij ligji si individ apo subjekte do të gjobiten nga inspektorët në terren.
Ju ftojmë për vëmendje në respektimin e plotë të ligjit.