Ministri i Shëndetësisë së Kosovës, Dr. Arben Vitia së bashku me Presidentën e vendit, Vjosa Osmanin kanë vizituar Klinikën e Gjinekologjisë për të parë nga afër përgaditjet për fillimin e shërbimit më të ri në kuadër të kësaj klinike.
Ministri Vitia dhe Presidentja Osmani vizituan Klinikën e Gjinekologjisë ku panë nga afër përgatitjet infrastrukturore për Fertilizimin e Asistuar Mjekësor, projekt ky në të cilin janë ndarë mbi 1.5 milion euro invenstime për fillimin e shërbimeve, përcjell Gazeta Shneta.
Në klinikën e Gjinekologjisë janë njoftuar për parapërgatitjet finale për të funksionalizuar shërbimet e reja të Fertilizimit të Asistuar Mjekësor dhe Citogjenetikës, në kuadër të planit të veprimit dhe dinamikës së paraparë.
Ndër të tjera, stafi i Klinikës së Gjinekologjisë i njoftoi edhe për punën dhe shërbimet që ofrohen në baza ditore.
“Gjatë vitit të parë, për funksionalizimin e shërbimit për FAM është ndarë shuma në vlerë mbi 1.5 milion euro për sigurimin e pajisjeve të nevojshme dhe sigurimin e materialit shpenzues”, deklaroi ministri Vitia.
Presidentja Osmani, në anën tjetër deklaroi se çdo shërbim shëndetësor është jashtëzakonisht i rëndësishëm dhe se ajo mbetet e përkushtuar që të përkrahë çdo kërkesë që do të jetë në shërbim të shëndetit të qytetarëve, duke e theksuar edhe rëndësinë që e ka Fertilizimi i Asistuar Mjekësor (FAM).
“Me FAM, adresohet mbi 15% të popullsisë të moshës riprodhuese të Kosovës të cilët kanë probleme me infertilitet, si dhe mundësohet diagnostikimi i hershëm sëmundjeve të trashëgueshme” thuhet në komunikatën zyrtare të MSh-së. /Gazeta Shneta/