Ministri i Shëndetësisë së Kosovës, Dr. Arben Vitia, ka njoftuar rreth projektit të investimit në Klinikën e Kardiokirurgjisë së QKUK-së.
Vitia ka thënë se mbi 750 mijë euro do të jetë vlera e investimit në infrastrukturë dhe në pajisjet e reja në Klinikën e Kardiokirurgjisë në QKUK, përcjell Gazeta Shneta.
Përmes këtij investimi, Vitia ka thënë se synohen disa objektiva:
– Sporteli rinovohet e riorganizohet.
– Dhomat e kujdesit intensiv zgjerohen e riorganizohen.
– Dhomat e repartit dhe nyjet sanitare zgjerohen e riorganizohen.
– Sallat operative rinovohen.
– Për stafin, arkivat, depo të barnatores dhe depo të materialit kirurgjik hapësira të reja.
Rritja e kapacitetit të Klinikës së Kardiokirurgjisë:
– Me dyfishimin e numrit të shtretërve rritet në 400 numri i pacientëve që mund të marrin shërbime nga 300 sa ishte.
– Investimi përfshin masat për zvogëlimin e infeksioneve intraspitalore.
Ndër të tjera thuhet se pas këtij investimi, nga mesi i 2024 nuk do të ketë listë të pritjes në Klinikën e Kardiokirurgjisë.