Fëmijët e vegjël në Vjenë mund të fillojnë të marrin vaksinat kundër koronavirusit, javën e ardhshme si pjesë e një pilot-projekti, njoftuan mediat austriake të shtunën.
Transmetuesi austriak ORF raportoi se rreth 200 fëmijë midis moshës 5 dhe 11 vjeç mund të marrin vaksinën Pfizer/BioNTech çdo ditë në kryeqytetin austriak duke filluar nga e hëna, shkruan MedicalxPress përcjell Gazeta Shneta.
Pilot-projekti është i kufizuar vetëm në Vjenë dhe nuk vlen për pjesën tjetër të vendit.
Ndërsa në Shtetet e Bashkuara ose Izrael, fëmijët e kësaj grupmoshe tashmë mund të vaksinohen zyrtarisht kundër COVID-19, Agjencia Evropiane e Barnave (EMA), e cila rregullon miratimin brenda Bashkimit Evropian, nuk ka dhënë ende miratimin për vaksinimin e fëmijëve nën moshën 12 vjeçe.
Rregullatori i barnave i BE-së, njoftoi në fillim të kësaj jave se kishte filluar të vlerësonte nëse do të autorizonte vaksinën COVID-19 të Moderna-s për fëmijët e moshës 5 deri në 11 vjeç dhe se ka vlerësuar vaksinën e zhvilluar nga Pfizer/BioNTech për përdorim në të njëjtën grupmoshë që nga muaji i kaluar.
Agjencia nuk ka thënë se kur saktësisht do të marrë një vendim për të dy vaksinat, por mediat kanë raportuar se të paktën për Pfizer/BioNTech një vendim mund të vie përpara Krishtlindjeve.
Ndërsa numrat e infeksioneve po rriten në të gjithë kontinentin me një shpejtësi shqetësuese, miratimi i vaksinimit për fëmijët e vegjël do të sillte një lehtësim të shumëpritur për miliona familje në të gjithë BE-në.
Pavarësisht mungesës së një miratimi zyrtar të urgjencës, disa pediatër në Austri kanë vaksinuar tashmë fëmijët e kësaj grupmoshe, pasi kërkesat janë shumë të larta dhe shkalla e infeksionit në vend po rritet, raportoi ORF.
“Interesi për vaksinim është i madh,” i tha ORF, Peter Voitl, një pediatër dhe ekspert i fushës së vaksinimit në Vjenë. “Ne vaksinojmë grupmoshën 5 deri në 11 vjeç në klinikën tonë dhe kemi disa qindra njerëz në listën e pritjes.
Austria është përballur me një tendencë shqetësuese të infeksioneve javët e fundit. Vendi raportoi 13,152 raste të reja të shtunën, nga 11,798 një ditë më parë. Shkalla e infeksionit shtatë-ditor është 775.5 raste të reja për 100 mijë banorë.
Të premten, qeveria austriake tha se do të zbatonte një bllokim për njerëzit e pavaksinuar në dy rajone të goditura rëndë javën e ardhshme. Qeveria është vendosur të njoftojë kufizime të mëtejshme të virusit mbarëkombëtar që nga dita e diele.
Austria, ka një nga nivelet më të ulëta të vaksinimit në Evropën Perëndimore: rreth 65% e popullsisë totale është plotësisht e vaksinuar dhe 67.8% kanë marrë të paktën një dozë vaksine. /Gazeta Shneta/