Policia e Kosovës ka njoftuar se rreth orës 02:30 pas mesnate ka pasur të shtëna me armë zjarri në rrugën “Fehmi Agani” në kryeqytet, si pasojë i vdekur ka mbetur një mashkull 33 vjeçar me inicialet N.S, ndërsa e lënduar një vajzë e moshës 19 vjeçare me inicialet R.C. Që të dy shtetas të Kosovës.
Për rastin e regjistruar si vrasje e rëndësi, policia është duke e kërkuar një person si të dyshuar, shkruan Gazeta Metro.
Gjeni të plotë njoftimin e policisë:
Prishtinë, 24 nëntor 2017 – Sot rreth orës 02:30, policia ka marrë informacionin se në rrugën “Fehmi Agani” në Prishtinë, ka pasur të shtëna me armë zjarri.
Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes.
Me të dalë në vendin e ngjarjes policia ka konstatuar se ka të bëj me plagosje ku nga arma e zjarrit, janë plagosur viktimat:
- N. S , 33 vjeç, mashkull, shtetas Kosovar,
- R. C, 19 vjeç, femër, shtetase Kosovare , (e lënduar lehte)
të cilët janë dërguar në QKUK për trajtim mjekësor, mirëpo njëri nga viktimat (N.S), nuk ka mundur t’i përballojë, plagët e shkaktuara nga arma e zjarrit dhe rreth orës 04:00, nga QKUK-ja jemi njoftuar se viktima ka ndërruar jetë.
Aktualisht policia ka arrite që të identifikoj një person si të dyshuar të mundshëm dhe është duke punuar për arrestimin e tij.
Ndërkohë që hetuesit policor, me një intensitet të shtuar kanë ndërmarrë një varg veprimesh operative e hetimore, në përpjekje për të ndriçuar dhe sqaruar të gjitha rrethanat që kanë të bëjnë me rastin, i cili është cilësuar si Vrasje e rëndë.