Drejtoresha e Klinikës së Kirurgjisë Plastike në Qendrën Klinike Universitare të Kosovës, Violeta Zatriqi, përveç pozitës menaxhuese në këtë klinikë ajo gjithashtu menaxhon edhe poliklinikën private, “Poliklinika Zatriqi”, shkruan Gazeta Shneta.
Në anën tjetër, Agjencia Kundër Korrupsion ka inicuar procedurë për të konstatuar nëse një gjë e tillë përmbanë konflikt interesi, pas interesimit të Gazetës Shneta lidhur me këtë rast.
“Fillimisht do të verifikohet nga zyrat kompetente dhe nëse konstatohen elementet e konfliktit të interesit, sigurisht se do të iniciohet procedura për shmangie të kësaj situate”, thuhet në përgjigjen e AKK-së dhënë për Gazetën Shneta.
Nëse një situatë e tillë mund të përmbajë konflikt interesi, për këtë Zatriqi thotë se nuk ka qenë në dijeni. Ajo thotë se që nesër do të nis procedurat e tërheqjes së saj nga pozita e drejtoreshës në klinikën private.
“Nuk e kam pas këtë informacion, sepse me punët administrative të klinikës private ku unë punoj miret kontabilisti, e njoftova menjeherë. Ai që nesër do të nisë procedurat e tërheqjes sime si drejtoreshë” shprehet Zatriqi.
Mbajtja e dy pozitave menaxhuese në të njejtën kohë nga drejtorët e klinikave dhe spitaleve është “trendi” në Kosovë. Dy vite më parë Agjencia Kundër Korrupsion pati detyruar të dorëhiqen nga bizneset privat dy drejtorë të klinikave në QKUK, Imri Jasharin, ish drejtorin e Kardiologjisë dhe Venera Berisha – Muharremin drejtoresh në Endrokrinologjisë në QKUK.
AKK poashtu pati detyruar të dorëhiqet nga dy organizata jo qeveritare edhe drejtorin e Institutit Kombëtar të Shëndetësisë Publike, Naser Ramadanin. /Gazeta Shneta/