Ministri i Shëndetësisë Armend Zemaj ka vizituar mbrëmë Klinikën Emergjente në QKUK, ku është takuar me stafin mjekësor. Ndonëse në këtë vizitë nuk ka qenë i pranishëm drejtori Dr. Basri Lenjani, Zemaj e ka lavdëruar stafin për punën e tyre.
Për dallim prej vizitave në klinikat tjera, Zemaj Emergjencën e ka quajtur “krenaria e shëndetësisë”, për të cilën ka thënë se do të punoj që të pajiset me staf e pajisje mjekësore, transmeton Gazeta Shneta.
Lexoni postimin e tij të plotë:
Emergjencës do t’i shtohet stafi, por, sistemi i referimit duhet të jetë në pajtim me ligjin!
Sonte qëndrova në Klinikën Emergjente në ShSKUK dhe pash nga afër punën e madhe që po bëhet këtu ku përgjegjësia dhe ngarkesa e punës është tejet e madhe.
Me të drejtë, emergjenca është krenaria e shëndetësisë së shtetit tonë. Ajo ka nevojë për personel, ka nevojë për pajisjet mejekësore, barnat dhe materialin shpenzues.
Emergjenca është prioritet, këtë do ta dëshmoj.
Përgëzime stafit të Klinikës Emergjente, jeni vërtetë krenari e shëndetësisë tonë, andaj, mandati im, do të jetë shembull i fuqizimit të përkujdesjes emergjente. Qytetarët duhet të marrin trajtim sipas nivelit. Tërë sistemi nuk mund të mbulohet nga përkujdesja tretësore e Klinikës emergjente, andaj, edhe sistemi i referimit duhet të funksionoj në përputhje me ligjin. Ju lumtë, suksese!