Oda e Mjekëve të Kosovës sot po mban zgjedhjet për të zgjedhur Legjislaturën IV dhe për të vendosur për Kuvendin e ri të këtij institucioni profesional.
Zëdhënësja e OMK-së, Elira Selimi, ka bërë me dije për Gazetën Shneta se procesi i votimit po zhvillohet normalisht.
“Mbarvajtja e procesit është duke shkuar në rregull. Antarët kanë filluar të votojnë që nga ora 8:00 dhe deri tani nuk është shfaqur asnjë problem,” tha Selimi.
Sipas saj, deri në këto momente nuk është raportuar asnjë parregullsi në procesin zgjedhor.
OMK u ka bërë thirrje të gjithë anëtarëve me të drejtë vote që të marrin pjesë në këtë proces të rëndësishëm, duke theksuar rëndësinë e përfshirjes aktive në zgjedhjen e përfaqësuesve të rinj në Kuvendin e Odës/Gazeta Shneta/