Zyrtarët policorë nga Drejtoria e Njësive Speciale Intervenuese kanë shpëtuar jetën e një gruaje, e cila ishte gjetur e shtrirë në tokë pranë magjistrales Vushtrri-Mitrovicë.
Sipas njoftimit zyrtar, policët kanë hasur në një person të gjinisë femërore në gjendje të alivanosur dhe pa hezitim janë ndalur për t’i ofruar ndihmën e parë. Falë reagimit të shpejtë dhe veprimit profesional, gruaja është rikthyer në vetëdije dhe është mbajtur nën kontroll deri në mbërritjen e ekipit të ambulancës, transmeton Gazeta Shneta.
Policia e Kosovës thekson se ky rast dëshmon përkushtimin dhe humanizmin e zyrtarëve policorë, të cilët, përkundër detyrave të shumta operative, janë gjithmonë të gatshëm të ndihmojnë qytetarët dhe të shpëtojnë jetë.
Postimi i plotë:
Zyrtarët policorë nga Drejtoria e Njesive Specaile Intervenuese, përgjatë magjistrales Vushtrri-Mitrovicë, kanë hasur në një person të gjinisë femërore e cila ishte e shtrirë në tokë.
Zyrtarët janë ndaluar dhe i kanë ofruar ndihmën e parë personit e cila ishte e alivanosur.
Falë intervenimit të shpejtë dhe profesional të zyrtarëve policorë personi ishte këndellur dhe është mbajtur nën kontroll deri në ardhjen e ambulancës.
Kjo dëshmon se zyrtarët policorë edhe përkundër angazhimeve dhe detyrave tjera në terren, gjenden gjithmonë aty për t’u kujdesur dhe për të shpëtuar jetën e qytetarëve, veprime këto të cilat tregojne efektshmërinë vepruese të zyrtarëve policorë, veprime këto të cilat vijnë edhe si rezultat i trajnimeve profesionale dhe të avancuara të realizuara edhe nga partnerët tanë strategjik siq janë Shtetet e Bashkuara të Amerikës.