Në Klinikën për sëmundje ngjitëse në Qendrën Klinike Universitare të Kosovës aktualisht janë të shtrirë 11 pacientë të infektuar me coronavirus.
Drejtori i kësaj klinike, Arben Vishaj, tha se asnjëri nga pacientët nuk është në kujdes intensivë pasi që gjendja e tyre është stabile por janë nën kontrollin e personelit të klinikës.
“Gjendja është stabile dhe nuk kemi rritje të shpejtë të kërkesës për spitalizim jemi duke e përcjellë gjendjen me vëmendje të shtuar”, tha ai në një prononcim për Gazetën Shneta.
Në të dhënat e fundit të Ministrisë së Shëndetësisë thuhet se gjatë 24 orëve të fundit janë regjistruar 110 raste pozitive me COVID-19 përderisa nuk raportohet për të vdekur.
Aktualisht në nivel vendi janë mbi 2 mijë raste aktive me SARS-CoV-2. /Gazeta Shneta/