Rreth 100 qytetarë në Han të Elezit kanë kërkuar ndihmë mjekësore gjatë këtyre dy ditëve, sot dhe dje, pasi që dyshohet se janë helmuar nga uji.
Kryetari i kësaj komune, Mehmet Ballazhi, tha për Gazetën Shneta se janë në pritje të Instituti Kombëtar i Shëndetësisë Publike për të marrë mostrat e ujit për testim.
“Jemi në pritjet të ekipit të Institutit të Shëndetësisë Publike me marrë mostrat e ujit sepse po dzshohet se është për shkak të ujit dhe po dyshohet për shkak të shiut që ka rënë. Janë rreth 100 pacientë të cilët dyshohet se janë helmuar dhe kanë kërkuar ndihmë mjekësore dje dhe sot”, tha Ballazhi.
Ai shton se personat e dyshuar për helmim kanë barkqitje dhe temperaturë ndërsa thekson se nga IKShPK kanë vlerësuar se nuk duhet të shqetësohen.
“Rastet kanë fillu të paraqiten nga dita e djeshme dhe pacientë po trajtohen në shtëpi gjendja e tyre është stabile. Kanë marrë infuzione në AMF në Gorancë dhe në QKMF këtu në Han të Elezit”, njofton gjithashtu kryetari.
Gazeta ka kërkuar sqarim edhe nga IKShPK mirëpo të njejtët nuk janë përgjigjur.
Ditë më parë dyshime për helmim pati edhe në Komunën e Kaçanikut. /Gazeta Shneta/