Gjatë 24 orëve të fundit, Spitali i Përgjithshëm në Pejë ka kryer 12 operacione me sukses, duke vazhduar të ofrojë shërbime të shumta për pacientët e zonës.
Sipas të dhënave zyrtare të spitalit, dje janë realizuar 485 vizita specialistike dhe janë pranuar 35 pacientë të rinj për trajtim. Aktualisht në spital ndodhen të shtrirë 164 pacientë.
Në laborator, janë kryer gjithsej 2,968 analiza për 277 pacientë, ndërsa në repartin e dializës janë realizuar 45 trajtime.
Në maternitet janë regjistruar 5 lindje, ku kanë ardhur në jetë 3 djem dhe 2 vajza.
Në fushën e imazherisë mjekësore, janë realizuar 104 ekzaminime me rëntgen, 44 ultra zëra dhe 23 skanime CT.
Po ashtu, 47 pacientë kanë përfituar shërbime fiziatrike gjatë kësaj periudhe./Gazeta Shneta/