Dymbëdhjetë persona janë plagosur pasi një granatë u hodh në një lokal të frekuentuar në qytetin francez të Grenoble të Francës, thanë autoritetet lokale.
Incidenti ndodhi në lokalin Aksehir pak pas orës 20:00 me orën lokale të mërkurën në mbrëmje, duke lënë dy persona në gjendje kritike.
Motivi i sulmit nuk është i qartë, por hetuesit thonë se ai “mund të lidhet me një zgjidhje të hesapeve”.
Prokurori Francois Touret-de-Courcey tha se rrëfimet e dëshmitarëve okularë sugjerojnë se i dyshuari, i cili është ende i paidentifikuar, mund të ketë pasur gjithashtu një pushkë kallashnikov, shkruan BBC.
Duke folur me gazetarët në vendngjarje, ai tha: “Nuk ka asgjë që na bën të mendojmë se është e lidhur me terrorizmin”, duke e përshkruar incidentin si një “akt të dhunës ekstreme”.
Ai shtoi se hetuesit po shikonin lidhjet e mundshme me trafikun e drogës.
Autoritetet thanë se shumë njerëz ishin në vendin e ngjarjes, që ndodhet në lagjen e fshatit Olimpik të qytetit, kur i dyshuari hyri për një kohë të shkurtër.
Rreth 80 zjarrfikës dhe oficerë policie u vendosën në vendngjarje me zonën e rrethuar të enjten në mëngjes, raporton gazeta franceze Le Figaro.
Nënkryetari i bashkisë Chloe Pantel tha për agjencinë e lajmeve AFP se vendi ishte “një vend ku vendasit dhe njerëzit nga jashtë lagjes mblidhen, veçanërisht për të parë ndeshje futbolli”.