Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës ka bërë të ditur se janë regjistruar 15 raste të reja me Covid-19.
Nga kjo ministri kanë njoftuar se në 24 orët e fundit janë administruar 2499 doza, prej të cilave 1,408 janë doza të para.
Deri më sot 757.103 qytetarë janë vaksinuar me dozën e dytë që në përqindje sipas numrit të përgjithshëm të popullsisë në Kosovë i bie mbi 42 për qind.
Gjatë 24 orëve të fundit fatmirësisht nuk është shënuar asnjë rast i vdekjes, ndërsa janë regjistruar tetë qytetarë të shëruar. Në total numri i rasteve aktive është 330.
