Basri Lenjani ka dal sot me akuza ndaj Bordit Drejtues të SHSKUK-së pasi nuk e kaloi testin me shkrim në konkursin për drejtor të Klinikës Emergjente.
Përmes një postimi në Facebook, Lenjani ka thënë se në rezultatet që sipas tij janë skandaloze, ka pasur ndikime politike dhe nga Bordi Drejtues i Shërbimit Spitalor Klinik Universitar, shkruan Gazeta Shneta.
“Të nderuar qytetarë dhe bashkëpuntorë të çmuar, përmes kësaj shkrese ju vëj në dijeni se nga data 27.11.2021 nuk do të jam më drejtues i Klinikës Emergjente të SHKSUK-së, për shkak të ndikimit politik dhe Bordit drejtues të SHSKUK-së, sepse shpallja e rezultateve të testimit vlerësues ishte skandaloz”, ka shkruar Lenjani.
Ai ka thënë se pavarësisht rezultatit do të ushtrojë të drejtën e ankesës.
“Kësisoj, nga sot jam i lirë dhe ndjehem krenarë për kontributin e dhënë 34 vjet në shërbimet emergjente në nivel vendi. Poashtu falenderoj stafin e Klinikës Emergjente si dhe te Klinikave tjera te QKUK-së për mbështetjen dhe bashkëpunimin korekt gjatë gjithë kohës së menaxhimit të Klinikës Emergjente. Me këtë rast, drejtorit që do të më pasojë i uroj suksese dhe punë tē mbarë”, ka shkruar Lenjani. /Gazeta Shneta/