Spitali i Përgjithshëm në Pejë ka njoftuar se gjatë 24 orëve të fundit janë realizuar 17 operacione, ndërsa janë ofruar edhe qindra shërbime të tjera për pacientët.
Sipas të dhënave të publikuara nga spitali, gjatë kësaj periudhe janë kryer 496 vizita specialistike, ndërsa 35 pacientë janë pranuar për trajtim spitalor.
Aktualisht në repartet e spitalit janë të shtrirë 294 pacientë, përcjell Gazeta Shneta.
Gjatë ditës së djeshme janë regjistruar edhe gjashtë lindje, prej tyre katër vajza dhe dy djem.
Në laboratorët e spitalit, 221 pacientë kanë kryer gjithsej 3.095 analiza laboratorike.
Po ashtu, janë realizuar 44 dializa, 123 ekzaminime me rëntgen, 56 ultrazëra (EHO) dhe 19 incizime me rezonancë magnetike (MRI).
Sipas njoftimit, janë kryer edhe nëntë ekzaminime të zemrës me ekokardiografi, tri ergometri, gjashtë gastroskopi dhe 45 shërbime fiziatrike.