19 mostra kanë rezultuar pozitive me coronavirus nga 879 testime të bëra nga Instituti Kombëtar i Shëndetësisë Publike gjatë 24 orëve të fundit.
Në njoftimin e Ministrisë së Shëndetësisë nuk raportohet për të vdekur përderisa thuhet se janë shëruar 21 qytetarë nga virusi corona, ndërsa numri i përgjithshëm i të shëruarve është mbi 224 mijë.
Aktualisht në Kosovë janë 434 raste aktive me SARS-CoV-2.
Sa i përketë vaksinimi, MSh njofton se gjatë 24 orëve të fundit janë vaksinuar 121 qytetarë.
Vaksinimi në nivel vendi ka filluar më 29 mars 2021, dhe për më tepër se një vit janë administruar mbi 1,8 milion doza të vaksinave anti-COVID.
Me doza të dyta deri më tani janë vaksinuar mbi 821 mijë qytetarë, ndërsa me doza të treta dhe përforcuese mbi 100 mijë të tillë.
Sipas ekspertëve të shëndetësisë, vaksinimi është “arma” e vetme për të parandaluar vdekshmërin nga coronavirusi.
Në Kosovë të drejtë vaksinimi kanë moshat mbi 12 vjeç./Gazeta Shneta/