Spitali i Përgjithshëm në Pejë ka publikuar të dhënat e shërbimeve të ofruara gjatë 24 orëve të fundit.
Sipas njoftimit, gjatë kësaj periudhe janë realizuar 518 vizita specialistike, ndërsa 41 pacientë janë pranuar për trajtim spitalor.
Aktualisht në spital janë të shtrirë 195 pacientë, transmeton Gazeta Shneta.
Në repartin e maternitetit janë regjistruar katër lindje, prej tyre dy vajza dhe dy djem.
Gjatë ditës së djeshme janë kryer 12 operime, 38 dializa dhe 3,822 analiza laboratorike për 267 pacientë.
Sa u përket ekzaminimeve diagnostike, janë realizuar 100 rëntgen, 42 ultrazëra dhe 19 rezonanca magnetike (MRI).
Në Njësinë e Diagnostikës së Sëmundjeve të Brendshme janë kryer tetë kolonoskopi, shtatë ekokardiografi dhe katër ergometri.
Po ashtu, janë ofruar 51 shërbime fiziatrike për pacientët./Gazeta Shneta/