Shërbimi Spitalor dhe Klinik Universitar i Kosovës (SHSKUK) ka shpallur konkurs për 39 vende të punës në Spitalin e Prizrenit.
Konkursi përfshin mjekë specialistë, infermierë, laboratoristë dhe staf administrativ.
Në mesin e mjekëve specialistë kërkohen një urolog, një nefrolog, një biokimist, dy pulmologë, një gastroenterolog, katër kardiologë për kardiologji invazive dhe një radiolog, shkruan Gazeta Shneta.
Për infermierët dhe stafin laboratorik kërkohen tetë infermierë për sallat operative (instrumentarë), gjashtë për emergjencë, dy për mjekim intensiv qendror, tre për kardiologji invazive, dy për repartin e psikiatrisë dhe një laborant.
Në administratë dhe shërbime mbështetëse kërkohen një zyrtar/e i lartë financiar/e, një zyrtar/e i lartë ligjor/e, një zyrtar/e i lartë IT, dy punëtorë administrativë, një rrobalarës/e dhe një fokulist (punëtor për nxemje).
Detajet e tjera i gjeni Këtu/Gazeta Shneta/