Instituti Kombëtar ka njoftuar se nga 3,012 mostra të marra nga ShSKUK-ja janë konfirmuar 31 raste pozitive me Covid-19.
Fatmirësisht, edhe sot nuk është raportuar asnjë rast i vdekjes si pasojë e Covid-19 shkruan Gazeta Shneta.
“Brenda 24 orëve nuk është raportuar asnjë rast i vdekjes me SARS CoV-2 pozitiv.
Numri total i rasteve pozitive është 107.244 raste nga 591.824 persona të dyshimtë në virusin SARS-CoV-2 dhe 2.239 raste të vdekjes”, thuhet në njoftimin e fundit.
Përgjatë kësaj periudhe, 91 pacientë janë shëruar dhe numri i përgjithshëm i të shëruarve në Kosovës është mbi 101 mijë.
Komunat që regjistruan sot 31 raste pozitive janë: Prishtinë 9 raste, Gjilan 5 raste, Mitrovicë 3 raste, Podujevë 3 raste, Ferizaj 2 raste, Prizren 2 raste, Vushtrri 2 raste dhe me nga një rast komunat Deçan, Dragash, Fushë-Kosovë, Kaçanik dhe Obiliq.
Aktualisht, vendi ynë është duke u përballur me mbi 2 mijë raste aktive./GazetaShneta/