341 qytetarë kanë rezultuar pozitiv me coronavirus gjatë 24 orëve të fundit nga 1 mijë e 165 mostra të testuara në Institutin Kombëtar të Shëndetësisë Publike.
Sipas të dhënave të Ministrisë së Shëndetësisë përqindja e pozitivitetit ka arritur në 29,27 përqind ndërsa 1 mijë e 521 raste aktive janë në të gjithë vendin.
Gjatë 24 orëve nga COVID-19 janë shëruar 64 qytetarë ndërsa nuk raportohet për të vdekur.
Në anën tjetër, vaksinimi kundër SARA-CoV-2 është duke vazhduar në shifra dukshëm më të ulëta.
Autoritetet bëjnë të ditur se gjatë 24 orëve të fundit në të gjithë vendin janë dhënë vetëm 78 doza të vaksinave kundër coronavirusit.
Deri më tani me një dozë të vaksinës janë vaksinuar mbi 903 mijë qytetarë, me dozën e dytë mbi 823 mijë ndërsa me dozën e tretë mbi 103 mijë qytetarë. Në total janë administruar mbi 1,8 milionë doza të vaksinavë anti-COVID.
Të drejtë vaksinimi kanë të gjitha grupmoshat mbi moshën 12 vjecare.
MSh dhe IKShPK apelon të gjithë qytetarët që të vaksinohën kundër coronavirusit si njëra ndër mënyrat e vetme për të parandaluat vdekshmërin nga virusi.
SARS-CoV-2 deri më tani ka prekur mbi 230 mijë qytetarë prej tyre mbi 3 mijë kanë vdekur ndërsa mbi 225 mijë janë shëruar. /Gazeta Shneta/
