Në Klinikën e Ortopedisë gjatë vitit 2023 janë kryer 1680 operacione nga gjithsej 37 specialistë të ortopedisë.
Në Klinikën e Ortopedisë me Traumatologji në Qendrën Klinike Universitare të Kosovës punojnë gjithsej 37 specialistë të kësaj lëmie, shkruan Gazeta Shneta.
Në raportin e punës së mjekëve të cilin Gazeta e ka siguruar përmes qasjes në dokumente publike, ortopedët kanë kryer 1680 operacione gjatë vitit 2023.
Nga 37 mjekët vetëm tre prej tyre kanë kryer më shumë se 100 operacione për 12 muaj. Drejtori Gani Jashanica ka realizuar 135, Sami Delijaj 139 dhe Arbër Tolaj 113. Me mbi 90 operacione janë Bujar Shabani, Haki Prebreza dhe Ridvan Krasniqi.
Nëse përpjestohet numri total i operacioneve me numrin e specialistëve, atëherë i bie që çdo ortoped ka kryer rreth 45 operacione brenda vitit.
Në anën tjetër të gjithë specialistët kanë raportuar qindra e disa mbi 1 mijë vizita në Ambulancën Specialistike të Ortopedisë. Raportin e plotë e gjeni më poshtë.
Drejtori i Klinikës së Ortopedisë Gani Jashanica thotë se numri i operacioneve në total është 1950 në sallë të madhe dhe 130 në sallën e vogël me anestezion lokal, që sipas tij i bie 60 operacione për një ortoped brenda vitit 2023.
“Perkunder sfidave te shumta ne Klinken tone eshte punuar ne kuptim te operimit te plote te rasteve me trauma (rasteve emergjente), ortopedia e femijve, infeksionet protetizimi pjeserishte. Ne klinken tone gjate vitit 2023 jane kryer 1950 operacine ne sall e te madhe dhe 130 ne salle te vogel me anestezion lokale, qe i bie perafersisht 60 operacione per Ortoped. Nuk jane 37 Ortoped por 35 dhe operacionet ne Ortopedi zgjasin nga nje ore deri ne pese ore”, ka deklaruar ai.
Jashanica ka thënë se disa mjeke jane te angazhuar ne procesin mesimor dhe punojnë me gjysem orari kurse disa te tjere jane te angazhuar neper gjykata per ekspertiza.
“Numri i vogel i stafit (anesteziologeve dhe infermiereve) dhe sallave operative si dhe materialit osteosintetik dhe implanteve kane ndikuar ne numrin e operacioneve. Prap nuk jemi te kenaqur me performance dhe me sigurimin e hapsires per pune dhe paisjeve mjekesore, anesteziologeve me perkrahjen e menaxhmentit te SHSKUK-se kete vit do te realizohen objektivat e Klinikes se Ortopedise”, ka thënë Jashanica. /Gazeta Shneta/