Rikthimi i motit të ngrohtë shpesh shoqërohet me ndotje të ajrit nga grimcat e imta, që mund të dëmtojnë shëndetin.
Sipas “World Air Quality Report 2025”, cilësia e ajrit po përkeqësohet globalisht, kryesisht për shkak të ndryshimeve klimatike të shkaktuara nga njeriu.
Në Evropë, Franca, Gjermania, Belgjika, Irlanda, Holanda dhe Mbretëria e Bashkuar janë prekur veçanërisht. Grimcat e imta mund të irritojnë mushkëritë, të nxisin alergji dhe të përkeqësojnë sëmundje kronike si astma dhe sëmundjet kardiake, shkruan burimi Euronews Health transmeton Gazeta Shneta.
Ja disa hapa praktikë për të reduktuar ekspozimin dhe për të ruajtur shëndetin:
– Reduktoni ekspozimin brenda dhe jashtë: OBSH rekomandon qëndrimin brenda sa më shumë, por ajri në ambientet e mbyllura nuk është automatikisht i pastër. Përdorni ventilim të mirë dhe filtra HEPA. Shmangni tymosje druri, djegien e qymyrgurit, gatimin pa ventilim, duhanin dhe spërkatjet aromatike. Kur lëvizni jashtë, zgjidhni rrugë më pak të ngarkuara dhe shmangni trafikun.
– Stërvitje e zgjuar: Për të rriturit e shëndetshëm, përfitimet e aktivitetit fizik zakonisht tejkalojnë rreziqet, por zgjedhni kohë më të pastra ose stërviteni brenda.
– Ushqimi i shëndetshëm: Konsumoni ujë dhe ushqime të pasura me antioksidantë si fruta mali, agrume, perime jeshile, arra dhe peshk me yndyrë për të mbrojtur zemrën dhe enët e gjakut.
– ‘Shpërlani’ grimcat: Grimcat e ajrit mund të ngjiten në lëkurë dhe flokë. Dushi pas ekspozimit ndihmon të zvogëlohet stresi oksidativ dhe inflamacioni.
– Përdorni aplikacione dhe pajisje: Aplikacionet si ‘AirVisual’ ose ‘Plume Labs’ tregojnë cilësinë e ajrit në kohë reale, duke ndihmuar planifikimin e aktiviteteve. Për periudha të ndotura, përdorni pastrues ajri brenda dhe maska FFP2 jashtë.
Ekspertët theksojnë se reduktimi i ekspozimit nuk është i barabartë për të gjithë; punonjësit në ambiente të jashtme dhe banorët e qyteteve të ndotura kanë më pak mundësi për mbrojtje. /Gazeta Shneta/