Soda e bukës nuk është e dobishme vetëm për gatim. Mund ta përdorni atë edhe si deodorant, si pastë për pastrimin e objekteve metalike, apo për të ulur aciditetin në stomak etj.
Ja cilat janë 5 përdorime të sodës së bukës, që nuk kanë lidhje me gatimin.
- Përgatisni një deodorant
Shumica e deodoranteve përmbajnë sodë buke (sodium bikarbonate).
Përzieni 1/8 lugë çaji sodë buke me ¼ lugë çaji ujë. Aplikojeni pastën në lëkurë dhe i thoni lamtumirë djersitjes.
- Trajtoni aciditetin e lartë në stomak
Me pehash 8-9, soda e bukës kur përzihet me acidin në stomak mund të neutralizojë djegien. Përzieni ½ lugë çaji sodë buke me 147 ml ujë. Konsumojeni me ngadalë për të shmangur diarrenë ose gazrat.
- Pastroni objektet prej argjendi ose metali
Përzieni ujë të ngrohtë me sodë buke për të krijuar një pastë. Me anë të një pecete aplikoni pastën tek objektet dhe i fërkoni derisa të hiqen njollat e ndryshkut.
- Largoni aromat e këqija në frigorifer
Mbani një kuti të hapur me sodë buke në frigorifer që të eliminoni aromat e këqija. Soda e bukës absorbon përbërësit me erë të keqe në ajër. Ajo më pas i neutralizon ato, kështu frigoriferi nuk do të mbajë erë të keqe.
- Hiqni yndyrën e formuar tek enët
Spërkatni sodë buke tek tava e pjekjes. Futeni në furrë në 200 gradë për 30 minuta.
Nxehtësia ndihmon që soda e bukës të kthehet në mjet larës. Përdoreni më pas atë për të larë enët e tjera prej metali./Gazeta Shëndeti/