Ballafaqimi me përgjegjësitë e një pune 8-orarshe dhe nga ana tjetër detyra e prindërimit, mund të jenë një përgjegjësi e frikshme, dhe, në disa raste, mund të shkaktojë ndjenjën e fajit tek prindi dhe largësisë nga fëmija.
Nëse kjo tingëllon familjare për ju, provoni këto 6 këshilla të thjeshta për t’ju ndihmuar të krijoni një lidhje të fortë me fëmijën tuaj.
Fol dhe dëgjo
Merr disa minuta nga pasditja juaj për t’u ulur me fëmijën tuaj dhe për të folur. Kjo është veçanërisht e rëndësishme për prindërit që kanë një adoleshent. Filloni duke pyetur sesi ishte dita e saj/tij dhe përpiquni ta impenjoni atë në një bisedë rreth ngjarjeve aktuale. Mbajini linjat e komunikimit të hapura dhe dëgjoni gjithmonë çfarë thotë fëmija juaj. “Për të përmirësuar aftësitë tuaja dëgjuese “- shkruan Dr. David Pruitt, “fillimisht limitoni shpërqëndrimet tuaja”. Kjo përfshin fikjen e televizorit ose celularit. Në librin e tij, Adoleshenti Juaj, Dr. Pruitt këshillon prindërit të jenë të durueshëm kur i flasin fëmijës së tyre. “Nëse po dëgjoni me durim, ka shumë mundësi që biseda të lëvizë në temën mbi të cilën fëmija dëshiron të diskutojë.”
Kthejini darkat së bashku në një zakon
Nëse nuk është pjesë e rutinës tuaj ditore, ulja për të ngrënë së bashku si familje duhet të bëhet zakon. “Zakonet që përcaktojnë ditën e një familjeje, javën dhe vitin shërbejnë jo vetëm për të organizuar jetën familjare, por gjithashtu përforcon lidhjen emocionale që kanë anëtarët së bashku,” shkruan Dr.Pruitt. “Vakti i mbrëmjes, sado i thjeshtë, është një ritual i rëndësishëm, sepse shpesh është koha e vetme e ditës kur familja mund të ulet së bashku për të ndarë jo vetëm ushqimin por edhe interesat dhe shqetësimet për njëri-tjetrin.”
Përfshihuni
Shfaqja e një interesi të pastër në pasionet e fëmijës suaj është një mënyrë e mirë për t’ju afruar më tepër. Është një mënyrë e mirë gjithashtu për të të kujtuar gjërat e këndshme që të pëlqenin të bëje kur ishe fëmijë. /Gazeta Shneta/