p>Shumicën e rasteve – 99 nga 100 raste – kanceri i lëkurës është qartësisht i dukshëm jashtë trupit (edhe pse nuk është gjithmonë aq e lehtë të përcaktosh nëse një nishan, puçërr ose njollë në lëkurë është malinje).
Sigurisht, nëse melanoma ka avancuar, në varësi të vendndodhjes, mund të shkaktojë dhimbje në trup, kokë ose simptoma të tjera në lëkurë. Por, në këtë rast mund të keni një masë tumorale shumë të madhe në lëkurë, që nuk mund t’ju shpëtojë pa e vënë re, transmeton Gazeta Shëndeti.
Qëllimi është të diagnostikohet sëmundja para se të ketë avancuar dhe të bëhet i mundur trajtimi i saj. Kjo arrihet vetëm duke njohur simptomat e para paralajmëruese të melanomës.
Ja cilat janë 7 shenjat që duhet të dini, nëse ju ndodh të jeni pjesë e 1% të të pafatëve.
Gjëndrat poshtë lëkurës
Nuk mund t’i shihni. Por, nëse i ndieni gjëndrat poshtë lëkurës, sidomos në pjesë si ije, sqetull apo qafë, mund të jenë tregues i kancerit të lëkurës që është përhapur në nodujt limfatikë.
Rregulli numër 1: Nëse hasni një gjëndër në çfarëdolloj pjesë të trupit, vizitohuni tek një mjek.
Dhimbje në pjesën abdominale
Përveç nodujve limfatikë, melanoma mund të përhapet edhe në mëlçi. Nëse kjo ndodh, mund të përjetoni dhimbje në pjesën e poshtme të stomakut. Dhimbja mund të shkaktohet edhe për shumë gjendje të tjera shëndetësore, disa edhe jo shumë të rrezikshme (si gurët në tëmth). Prandaj mos u frikësoni po shkoni e bëni një vizitë mjekësore.
Probleme me frymëmarrjen
Sapo melanoma të ketë filluar të përhapet në pjesë të tjera të trupit, mund të përhapet edhe në mushkëri. Nëse shkon në mushkëri, mund të manifestohet me probleme me frymëmarrjen ose kollë të shpeshtë. Nëse po i përjetoni këto simptoma, bëni një vizitë tek mjeku.
Dhimbje të kockave
Përveç nodujve limfatikë, mushkërive dhe mëlçisë, kockat janë vendi tjetër ku mund të përhapet melanoma – edhe nëse nuk shfaqen simptoma në lëkurë. Në këtë rast mund të përjetoni simptoma të ngjashme me artritin, si dhimbje të kyçeve. Nëse nuk mund ta kuptoni përse ju dhëmbin gjymtyrët, kërkoni ndihmën e mjekut.
Shikim të turbullt
Melanoma nis në melanocite, qeliza që prodhojnë pigmentin e gjendur kryesisht në lëkurë. Melanocitet gjenden gjithashtu në sy dhe pjesë të tjera të trupit, kështu në raste të rralla kanceri fillon të përhapet në këto pjesë. Mëse zhvilloni melanomë përreth ose tek këto qeliza në sy, shikimi i turbullt mund të jetë një nga simptomat e para. Mund të shikoni gjithashtu pigmente ose çngjyrosje në risin syrit.
Dhimbje barku
Shtoni melanomën në listën e sëmundjeve që mund të shkaktojnë simptoma të lidhura me zorrën. Kjo e fundit, ashtu si edhe sytë, përmban melanocite dhe kështu, mund të fshehë edhe ajo një melanomë.
Diarreja, kapsllëku, dhimbjet e barkut, të gjitha mund të ndodhin. Kështu konsiderojeni këtë një arsye më shumë përse nuk duhet t’i injoroni problemet me stomakun.
Dhimbje koke
Ashtu si sytë dhe zorra, edhe truri përmban melanocite, kështu mund të ketë një melanomë të fshehtë. Dhimbjet e kokës, dridhjet ose problemet me kujtesën janë të gjitha simptoma të mundshme.