Një nga çelsat e reduktimit te sjelljes problematike tek fëmija është përcjellja e qartë e mesazhit.
Në prindërim, ndonjëherë mënyra si jepen komandat është po aq e rëndësishme sa përmbajtja e komandës. Këtu janë disa mënyra për të formuluar komandën tuaj në atë mënyrë që fëmijët t’ju dëgjojnë dhe ta zbatojnë:
1 Jini të drejtpërdrejtë
Bëni më shumë deklarata sesa pyetje. Thoni “ulu” në vend të “do t’i fillojmë detyrat tani?”
2 Qëndroni afër
Jepni udhëzime kur jeni afër fëmijës dhe jo duke qëndruar në qoshen tjetër të dhomës.
3 Përdorni gjuhë të qartë dhe specifike
Në vend të “vazhdo” thoni “të lutem fillo detyrat” .
4 Jepni komanda të përshtatshme për moshën
Flisni me fëmijën me fjalë që ju kupton. Mundohuni të jeni më shumë të qartë sesa superiorë.
5 Jepini komandat një nga një
Në mënyrë të veçantë për fëmijët me probleme vëmendjeje, mundohuni të shmangni seritë e komandave.
6 Jepni shpjegime të thjeshta
Dhënja e një shpjegimi rrit shanset që fëmija ta dëgjojë komandën, por jo nëse komanda humbet nëpër shpjegim. Fokusi i fjalisë apo shpjegimit duhet të jetë komanda.
7 Jepuni fëmijëve kohë për të përpunuar informacionin
Pasi jepni komandën, prisni disa sekonda, pa përsëritur atë që thatë. Kështu fëmijët mësojnë të dëgjojnë komandat e qeta kur iu thuhen një herë dhe jo të mos ia u venë veshin komandave se e dinë që do të përsëriten disa herë.
Kjo pritje është shumë e mirë edhe për prindin që të mësohet të presë zbatimin e komandës para se të fillojë të bëjë vetë atë që i ka kërkuar fëmijës. /bebja.com