Kemi dëgjuar shpesh nënat tona që na thonë lyeni bebat me të verdhë veze, me mjaltë apo me vaj ulliri, por ne na vjen për të qeshur dhe vrapojmë të blejmë kremërat e vajërat më të shtrenjtë. Por, me sa duket gjyshet dhe mamatë tonë nuk e kanë gabim, duke pasur parasysh studimet që tregojnë se produktet bio janë gjithmonë të besueshme, ndërkohë që kremërat kanë përmbajtje tokstike, konservues, etj,etj.
Mediat italiane kanë publikuar të dhëna se shumica e kremërave të fëmijëve dhe ato të firmave të njohura kanë përmbajtje tokstike dhe janë të dëmshme për lëkurën e tyre. Shumë kremëra anti-skuqje për bebet përmbajnë një konservant që quhet, phenoxyethanolo, i cili ka efekte toksike për riprodhimin dhe zhvillimin e tyre.
Këto kremra kozmetike të dedikuara për bebe shum të vogla duhet të jenë të sigurta dhe aq më tepër se përdoren në një zonë tejet delikate të trupit të foshnjave, p.sh pranë organeve gjenitale të fëmijëve.
Nëntorin e kaluar, Agjencia Kombëtare Franceze për Sigurinë e Produkteve të Mjekësisë dhe Shëndetit (Ansm), ka kërkuar që të mos përdorin phenoxyethanolo në produktet që janë aplikuar në zonat intime të bebeve dhe të reduktohet përqendrimi i saj nga 1% deri ne 0.4%, në të gjitha kozmetikat e tjera.
Phenoxyethanolo është një ruajtës i përdorur gjerësisht në kozmetikë, por për një kohë të gjatë është parë si i dëmshëm për efektet e saj të mundshme toksike për riprodhimin dhe zhvillimin. Dyshimet duken më të arsyeshme, ngase ANSM nxori rekomandimin që të mos përdoret përbërësi në kozmetikat e destinuara për fëmijët nën 3 vjeç.
Duke pritur që autoritetet evropiane të vazhdojnë punën e tyre për një rivlerësim të rrezikut si masë paraprake duhet të shmangim, në parim, markat që përdorin këtë ruajtës.
Revista javore “Il Salvagente” ka publikuar rezultatin e një testimi të gjerë që u përqendrua në produktet për bebe dhe 6 nga 15 kremëra kishin prani të produktit “famëkeq”:
Kjo është lista e firmave që u nxorr nga studimi:
FISSAN Baby – Protezione e Natura
BABYGELLA – Pasta protettiva
AVÈNE Pediatril – Crema per il cambio
CHICCO – Pasta lenitiva
DERMOGELLA bébé – Baby Paste
FISSAN Baby – Pasta Alta Protezione
Rezultati tregon edhe kremërat në të cilat mungon përbërësi i quajtur phenoxyethanolo:
WELEDA – Baby crema protettiva alla calendula
PURIS Baby care – Pasta protettiva
PASTA HOFFMAN – Lenitiva antiarrossamento
NIVEA BABY – Pasta protettiva emolliente
MUSTELA
AVEENO Baby – Crema barriera
JOHNSON’S PEDIATRIC – Baby Pasta Protettiva
PENATEN – Pasta protettiva
A-DERMA – Eryase crema
Revista në mbrojtje të konsumatorëve “Il Salvagente” sugjeron që të përdorni produkte natyrale pa përbërësin phenoxyethanolo dhe të keni kujdes nga çdo krem që ka përbërës toksik brenda./ Gazeta Shenta