Një rënie totale e energjisë elektrike në qytetin e La Plata të Argjentinës, i detyroi disa kirurg të spitalit të fëmijëve vendi që të përdorin dritën e telefonit të mençur si ndriçues për të kryer operimet që po i bënin përgjatë kësaj periudhe.
Sipas Ariel Longuino, njërit nga mjekët që ishte duke punuar në atë ndërrim “gjeneratorëve elektrik u duheshin 7 minuta deri të aktivizoheshin, e cila nxiti disa nga kirurgët, të cilët ishin duke operuar, të vazhdojnë punën e tyre me drita të telefonave të tyre të mençur, duke rrezikuar jetën e pacientit.”
Një burim tjetër raportoi për Metro se njëri nga kirurgët u detyrua të ndërpresë një operacion kardiovaskular që ishte duke e kryer, për t’i shmangur komplikimet e mundshme, transmeton Gazeta Shneta.
Ndërprerja e energjisë elektrike u shkaktoi probleme edhe në kujdesin intensiv pediatrik, duke ndërprerë disa nga pompat dhe mjetet respirative nga funksioni.
Megjithatë, sipas Longuino, tragjedia arriti të menjanjohet falë aksionit të shpejtë të ndërmarrë nga stafi spitalor.
Ndërprerja e energjisë ka lënë tre qytete në errësirë të plotë – La Plata, Berisso dhe Ensenada – dhe thuhet se kjo ndërprerje u shkaktua nga një aksident që preku dy shtyllat e energjisë elektrike në lagjen e Melchor Romero./Gazeta Shneta/