Fëmijët në ditët e sotit janë duke qëndruar aq shumë me mjetet elektonike në duart e tyre, dhe për këtë sytë e tyre janë më shumë të rrezikuar për dëmtim sesa çdo gjë tjetër.
Sipas shoqatës amerikane të shikimit, 83% e fëmijëve përdorin kompjuter dhe smartfonë për 3 ose më shumë orë në ditë. 70% e tyre vuajnë nga tendosja vizuale, e cila shkakton irritim të syve, dhimbje koke dhe qafe dhe dhimbje shpine për shkak të qëndrimit përpara ekraneve.
Prindërit luajnë një rol themelor: ata duhet të jenë shumë të kujdesshëm në sjelljet e tyre dhe gjithashtu në disa qëndrime që mbajnë ndaj fëmijëve.
Në rastin e miopisë, për shembull, fëmija priret të përkulet mbi fletore dhe, kur mësuesi kërkon të lexojë në dërrasë e zezë, ai përgjigjet me vonesë për shkak të vështirësive në fokusim.
Astigmatizmi (shtrembërimi i shikimit) prek 15-25% të të rinjve dhe mund të ngatërrohet me probleme në leximin e fëmijës: Vetëm identifikimi i hershëm dhe korrigjimi i shpejtë parandalon përkeqësimin dhe kufizon problemet e të mësuarit për shkak të defekteve në shikim.
Përdorimi i zgjatur i pajisjeve dixhitale nga fëmijët është një fenomen i kohëve të fundit. Tabletët konsiderohen edhe më të rrezikshëm se kompjuterat, sepse distanca mes syrit dhe tabletit është më e vogël.
Dhe mos nënvlerësoni rreziqet e dritës së këtyre pajisjeve që, përveç ndërhyrjes në kohëzgjatjen normale të gjumit, janë të rrezikshme edhe për sytë. “Rezultatet e para tregojnë se kjo shkakton dëmtim të nivelit të retinës” – shpjegojnë ekspertët.
“Tashmë ka syze me lente që mund të mbrojnë kundër këtij spektri të dritës dhe së shpejti pritet të dalë në treg një lente e bardhë që mund ta ndalë plotësisht këtë dritë”./pernenat