Almeda Abazi po kalon fundin e shtatzënisë së saj me bashkëshortin në një super-vilë të kontraktuar nga Tolgahan Sayisman, njoftojnë mediat turke.
Edhe vetë modelja shqiptare ka postuar shumë fotografi nga qëndrimi i saj në këtë vilë, duke na njoftuar se sa luksoze është ajo dhe sa mirë po kalon.
Por, në një nga postimet, Almeda ka treguar se ka bërë një gjest shumë të rrezikshëm, veçmas për moshën e shtatzënisë që është tani.
Ajo në një video të postuar në rrjetin social Instagram, shihet duke kënduar me telefonin e saj para dhe duke e mbajtur timonin e makinës vetëm me një dorë.
Videoja është bërë në anën e majtë të makinës, pra ajo po e ngiste atë duke kënduar para telefonit të saj dhe duke vënë vetën dhe beben e saj në ardhje në rrezik.
Ndryshe, Almeda pritet që shumë shpejtë t’i jap jetë fëmijës së saj.
