Uji në shishe plastike duket se nuk është një zgjidhje e mirë. Një studim i ri gjerman zbulon se vetëm në një shishe plastike gjenden 25 mijë substanca kimike.
Disa prej tyre janë shumë të rrezikshme për organizmin e njeriut, shkruan revista ‘PLoS One’ ku edhe janë publikuar rezultatet e studimit. Shkencëtarët kanë analizuar 18 mostra të ndryshme të ujit që mund të blihet në Francë, Itali dhe Gjermani.
Shkencëtarët pohojnë se prania e substancave kimike nuk do të thotë se mund të zhvillohen lloje të rënda të sëmundjeve, por theksojnë se bëhet fjalë për një zbulim shqetësues.
“Është ende herët të bëhen konkluzione konkrete në lidhje me atë se si ndikojnë substancat në shëndet. Nevojiten studime shtesë. Por, mund të themi me siguri që uji në shishe plastike nuk ndikon mirë në shëndetin e njeriut”, ka thënë Brus Blumberg, nga universiteti ‘California’ në Irvajn.