Amvisave u ndodh shpesh të përdorin letër alumini për të gatuar më shpejtë. Të njejtën mënyrë gatimi përdorin edhe beqarët të cilët përtojnë të lajnë enët e kuzhinës.
Por, ekspertët i bëjnë thirrje konsumatorëve të mos e përdorin shumë shpesh letrën e aluminit dhe të bëjnë kujdes gjatë përdorimit të saj, pasi disa prej copëzave të varakut mund të futen brenda në ushqim dhe mund të paraqesin problem shëndetësore me kalimin e kohës.
Trupi i njeriut mund të përballet në mënyrë efikase me sasi të vogla të metaleve, por problemi është që shumica e njerëzve do të marrin sasi shumë më të madhe për shkak të vendosjes së ushqimit në fletë alumini.
Reagimi ka ardhur pasi kohët e fundit janë gjetur përqendrime të larta të aluminit në indet e trurit të pacientëve me sëmundjen Alzheimer.