Qumështi, thelbësor për rritjen e fëmijëve
Një nga elementet që nuk mund dhe nuk duhet të mungojë në ushqimin e fëmijëve të vegjël është padyshim qumështi. Është në veçanti qumështi i nënës ai që ka vetitë ushqyese që e bëjnë të domosdoshëm për zhvillimin e fëmijës dhe sistemin e tij imunitar. Megjithatë, shumë të sapolindur janë alergjikë ndaj qumështit.
Sita parandaloni këtë siklet? Le ta shohim së bashku.
Alergjia nga qumështi, si ta parandaloni atë
Sipas një studimi të kryer nga hulumtuesit në Universitetin e Çikagos dhe Universitetit të Napolit Federico II, në mikrobiomën zorrëve gjendet një numër i baktereve të caktuara që mund të mbrojnë fëmijët nga alergjia e qumështit të lopës, e cila mbetet megjithatë, një nga alergjitë më të zakonshme.
Studimi, i kryer deri më tani në një grup minjsh, ka parë analiza në thellësi të mikrobeve të zorrëve në këto kafshë. Ata ekzaminuan në veçanti dallimet mes grupit të shëndetshëm dhe të grupit alergjik dhe kanë gjetur se një specie e veçantë bakteriale, Anaerostipes caccae, mund të mbrojë kundër alergjive ushqimore.
Kjo specie është pjesë e klasës së baktereve të quajtura Clostridia. Ekipi i Universitetit të Çikagos e kishte identifikuar atë në një studim të vitit 2014.
Çfarë bëjnë këto baktere?
Përgjigja është shumë e thjeshtë: prodhojnë acid butirik, një lëndë ushqyese e rëndësishme që mbron nga alergjia e qumështit, por krijon edhe një komunitet të shëndetshëm mikrobial në zorrë.
Rezultatet e këtij studimi theksojnë se klasa e mësipërme e baktereve mund të veprojë si një strategji parandaluese për të luftuar dhe prishur llojet e tjera të alergjive ushqimore.
Fjala e ekspertëve
Roberto Berni Canani, profesor i pediatrisë në Universitetin e Napolit Federico II dhe ndër autorët e studimit, theksoi se: Këto rezultate tregojnë rolin thelbësor të mikrobiomës në zhvillimin e alergjive ushqimore dhe sugjerojnë fuqishëm se rregullimi i komunitetit bakterial është i rëndësishëm për të ndaluar problemin në rritje të alergjive ushqimore.