Kosova do të jetë pjesë e projekteve holandeze për luftimin e kancerit tek fëmijët. Ky është lajmi i mirë që vjen nga Ambasada e Kosovës në Holandë e cila ka treguar se vendi ynë do të përfitojë nga këto projekte.
“Me iniciativë të Qendrës më të madhe në Evropë për Onkologji Pediatrike “Maxima” është mbajtur të mërkurën një mbrëmje speciale bamirësie në Amsterdam, e quajtur “Ëith a touch of ëhite”, ku janë mbledhur 325 mijë euro. Organizimi është bërë në bashkëpunim edhe me Fondacionin Ëorld Child Cancer dhe Rotaryclub Amsterdam-Spinoza. Këto mjete do të përdoren për kërkime në fushën e kancerit të fëmijëve”, thuhet në njoftim, transmeton Gazeta Shneta.
Përfshirja e Kosovës në këtë projekt është bërë falë angazhimit të organizatës holandeze Care for Kosova Kids.
“Pjesë e këtij projekti do të jetë edhe Kosova, ku spitale të ndryshme do të përfitojnë nga përvojat, në saje të bashkëpunimit që kanë krijuar Qendra Maxima me spitalet në Kosovë dhe vende si Indonezia, Kenia dhe Malavi. Në emër të Ambasadës së Kosovës në Hagë ka marrë pjesë Këshilltari, Besnik Ramadanaj, i cili ka falënderuar organizatorët për kontributin që po japin për Kosovën në fushën e shëndetësisë”, është thënë në njoftim. /Gazeta Shneta/