Është i zakonshëm urinimi gjatë natës për fëmijët që janë në periudhën e kalimit nga pelena te të brendshmet. Por fenomeni i urinimit mund të haset edhe kur fëmija mund të jetë mësuar pa pelenë.
Ekziston mundësia që ata të mos shfaqin probleme gjatë ditës, por gjatë natës kur janë duke fjetur.
E rëndësishmja është të mos e bëni fëmijën të ketë turp për zakonin që ka. Është mirë që të bisedoni me të dhe të përpiqeni bashkë për ta ndaluar. Çfarë mund të bëni për të ndaluar këtë zakon të fëmijës? Përgjigjja është e thjeshtë dhe shoqërohet me moshën e fëmijës, si për shembull:
- Këshillohet të shmangni lëngje të ndryshme, gjysmë ore para gjumit (përveç qumështit).
- Mësojini zakonin të shkojë në tualet para se të flejë, edhe nëse thotë se nuk do.
- Meqenëse asnjë prind nuk fle në të njëjtën orë më fëmijët, para se të flini, zgjojeni fëmijën dhe çojeni në tualet. Kështu minimizoni mundësitë që ai të lagë krevatin gjatë natës.
- Shumë mama krijojnë disa shtresa me çarçafë në krevatet e fëmijëve. Domethënë, sipër çarçafit vendosin një këllëf mbrojtës të papërshkrueshëm nga uji dhe sipër tij një tjetër çarçaf. Kështu që, nëse fëmija zgjohet natën dhe ankohet për krevatin e lagur, ju thjesht hiqni shtresën e lagur.