Ditën e djeshme këngëtarja e njohur Gjira Kajtazi u bë nënë për herë të parë të një djali të cilin e pagëzoi me emrin e veçantë Maël që siç u mësua do të thotë princ.
Reperja publikoi foto nga materniteti ku mbante në krahë djalin e saj dhe pranë fotove shkruante:
“Dhe ky është momenti që ndryshoi jetën tonë përgjithmonë… Mirë se vjen djali jonë Maël Ibrahimaj. Faleminderit që na zgjodhe ne si nënën dhe babain tënd. Mezi presim të njohim shpirtin tënd të guximshëm”.
Nënë e birë janë larguar së fundmi nga spitali dhe këtë gjë e ka treguar Gjira nëpërmjet një postimi në ‘Instastory’ ku ka shpërndarë portretin më të bukur familjar me djalin dhe bashkëshortin.
“Koha e përqafimit”, ka shkruar ajo pranë fotos ku shihet e shtrirë së bashku me partnerin. Një mirëseardhje shumë e ngrohtë kjo për vogëlushin në shtëpi.
