Dy punëtorët e kompanisë “Sharr Travel” që ndërruan jetë mëngjesin e ditës së sotme, dyshohet se u rrëzuan derisa tentuan të kalonin nga njëra anë në tjetrën në autostradën “Ibrahim Rugova”. Mediat kanë publikuar disa fotografi të urës ku dyshohet se të rinjtë ranë në humnerë
Arianit Bytyqi dhe Gentrit Gallapeni janë dy të rinjtë që humbën tragjikisht jetën në autostradën “Ibrahim Rugova” në orët e para të mëngjesit.
Ata dyshohet se kanë gjetur vdekjen, derisa kanë provuar të kapërcejnë hapësirën në mes, e cila ndanë dy trasetë e autostradës. Gazeta Express ka siguruar edhe fotot nga vendi ku ka ndodhur tragjedia.
Për vdekjen e dy të rinjve, ka njoftuar edhe agjencia “Sharr Travel”, të cilët edhe u kanë shprehur ngushëllime familjarëve të viktimave. Për rastin zyrtarisht kanë folur edhe nga Policia e Kosovës, ku kanë treguar se hapsira mes dy traseve është rreth 3 metra.
“Në momentin që kanë kaluar mburojën e trasesë së parë të autostradës dhe duke tentuar të kalojnë në trasenë tjetër kanë rënë në humnere pasi që hapësira në mes dy traseve është afër 3m. Viktimat kanë qenë punëtor të kompanisë së udhëtimeve ( konduktor)”, thuhej në njoftimin e Policisë lidhur me rastin.
