Agjencia Kosovare për Produkte dhe Pajisje Medicinale ka njoftuar se dy kompani kanë tërhequr vullnetarisht nga tregu produktin ranitidine.
Kjo Agjenci ka deklaruar se pas dyshimeve lidhur me mundësinë që ky produkt përmbanë papastërti e cila mund të jetë kancerogjene, shumë kompani në botë kanë tërhequr barin nga tregu në mënyrë vullnetare, transmeton Gazeta Shneta.
AKPM gjatë ditës së djeshme ka deklaruar se nuk mund të marr vendim për tërheqjen e barit nga tregu pa një vendim të Agjencisë Evropiane të Barnave.
Njoftimi i plotë nga AKPM:
Pas njoftimit nga EMA (Agjencia Europiane për produkte medicinale) lidhur me mundësin që produkti medicinal ranitidine përmbanë papastërti N-nitrozodimetilaminë (NDMA) shumë kompani Farmaceutike në Evropë dhe SHBA kanë tërhequr në mënyrë vullnetare ranitidinen nga tregu deri në sigurimin e informacioneve lidhur me vlerësimin nëse pacientët që përdorin ranitidine kanë ndonjë rrezik nga NDMA.
Ky veprim i tërheqjes vullnetare të produktit medicinal ranitidinë nga tregu ka filluar edhe në Republikën e Kosovës dhe deri më sot dy kompani Farmaceutike, Lek Pharmaceutical Slovenia (Ranital 150mg tablet) dhe Hemofarm Serbia (Ranitidine 75mg effervescent tablet) kanë inicuar në mënyrë vullnetare procedurat për tërheqjen e produktit medicinal ranitidinë .
EMA është duke vlerësuar të dhënat nëse pacientët që përdorin ranitidine kanë ndonjë rrezik nga NDMA.
Me respekt,
AKPPM