Pas më shumë se një viti është liruar nga spitali fëmija Sh.Z. i cili kishte pësuar gjakderdhje në tru pas një aksidenti me veturë.
Lajmin për lirimin e tij shëndosh e mirë nga Klinika e Neurokirurgjisë e ka kumtuar babai i tij në Facebook. Për shërimin e të birit ai ka falënderur Zotin dhe mjekun Agon Mekaj, transmeton Gazeta Shneta.
“Pas një kohe shumë të mundimshme falemderimi i takon Allahut dhe Doktor Agon Mekaj i cili që nga 4 shtatori 2018 e deri më sot punoj me një vullnet të madh dhe atë vullnet ja shpërblej Allahu me suksesin më të mirë që sot Shkelqimi po lirohet nga Spitali gjithashtu falënderim tepër të çmuar për ju miq e shok që në momentet ma të vështira ishit pranë nesh”, ka shkruar babai Faik Zogaj.
Djali ishte aksidentuar në shtator të vitit të kaluar nga një veturë, me ç’rast kishte pësuar gjakderdhje në tru. Ai ishte dërguar me urgjencë në Emergjencën e QKUK-së ku ishte operuar nga Dr. Agon Mekaj. Mjeku pati treguar se pacientit të vogël i ishte larguar gjaku nga truri gjatë ndërhyrjes.
Djaloshi pati qëndruar 20 ditë në koma në Mjekimin Intensiv Qendror në QKUK, ndërsa sot është liruar në gjendje të mirë shëndetësore. /Gazeta Shneta/