Kryetari i Shoqatës për të Drejtat e Pacientëve Besim Kodra ka kundërshtuar propozimin e këshillit nacional të formuar nga Oda e Infermierëve, për përcaktimin e koeficientit për infermierët sipas shkollimit.
“Propozimi i ‘Këshillit Këshilldhënës’ të Odës së Infermierëve të Kosovës, që Infermierët të paguhën sipas gradës së shkollimit nuk ka një logjikë! Sikurse të gjithë punëtorët e tjerë, ashtu edhe infermierët duhet të paguhen në bazë të punës që kryejnë, jo gradave akademike që kanë!”, ka shkruar Kodra.
Ai ka thënë se Fondi i Sigurimeve në të ardhmen do të kontraktojë shërbime e jo diploma dhe kjo i bie se do të paguhet puna që bëhet e jo shkollimi.
“Nëse dikush është infermier me shkollë të mesme, ndërsa fakultetin e ka përfunduar në ‘juridik’ (njoh njerëz të tillë) në bazë të kësaj logjike do të duhej të paguhej edhe për pjesën e juridikut! Çka hynë në punë juridiku këtu?! Një informacion : Fondi i Sigurimeve Shëndetësor në të ardhmën do të kontaktron shërbime jo diploma. Kështu që, i bije se ai do të kontraktoj punën, jo gradën akademike!”, ka shkruar ai.
Propozimi i këshillit nacional të infermierëve të formuar nga Oda e Infermierëve po kundërshtohet pasi ky këshill përbëhet nga anëtarë që udhëheqin ose ligjërojnë në kolegje private. Këshilli kryesohet nga rektorja e Kolegjit Heimerer Natyra Karahoda, ndërsa ka anëtarë dekanin e infermierisë në AAB Idriz Sopjani, ligjëruesit në këtë kolegj Hysni Bajrami, Naser Rrustemaj, Lirije Beqiri, etj. /Gazeta Shneta/