Në Bibliotekën Kombëtare të Kosovës sot është përuruar libri “Obstetrika” i autorit Prof. Dr. Shefqet Lulaj.
Profesori i mjekësisë dhe gjinekologu i njohur ka deklaruar se kishte pritur gjatë nga kolegët e tij që ta shkruajnë së bashku librin, por meqë u bë kohë e gjatë e nuk mori përgjigje atëherë iu përvish punës vet.
“Kemi pritur me muaj e me viti, dhe erdhi koha që të përvishen punën vet. Nuk eci në grup dhe vendosa që vet sepse disa gjëra nuk bëhen me të tjerët. E kam ruajtur thelbin e Obstetrikës moderne. Duhet me ditë shumë e me vepruar pak. Është libër qe nuk len dilema, përfshinë 29 kapituj”.
Profesori Selim Krasniqi, deklaroi se tekste të tilla nuk kemi pasur që nga viti 1999 në kohën e Jugosllavisë. “Ky libër po promovohet në themelimin e 50 vjetorit të Universitetit të Prishtinës. Tekste të tilla në gjuhën shqipe në këtë nivel nuk kemi pasur. Çdo fjale dhe fjali e shënuar e ka peshën dhe kuptimin e vet”
“Libri është shkruar nga studenti i këtij fakulteti. Pas përzënies në Fakultetin e Mjekësisë ka shkuar nëpër qendrat universitare të Gjermanisë, arsimin e vet profesional e ka vazhduar me nivele tjera”
Profesor Halil Ahmetaj, theksoi se ka qenë e ditur se nga mendja dhe duart e tij nuk mund të pritej diçka tjetër përveç se një prodhim kulmor që i bën nder atij dhe të na bëjë krenar. Profesori Sejdullah Hoxhaj tha se një tekst i tillë është dashur që moti, por Shefqet pati guximin ta shkruaj e ta publikoj për gjithë studentët. /ekonomiaonline