Ministria e Shëndetësisë ka deklaruar se ende nuk ka aprovim për barin remdesivir për trajtimin e Covid-19, ndërsa agjencia amerikane për barna mbrëmë ka njoftuar se ka dhënë ‘aprovim emergjent’ për përdorimin e dy medikamenteve anti-malarie për trajtimin e koronavirusit
Ministria e Shëndetësisë ka kërkuar nga korporata ‘Galaad INC’ nga SHBA që ta shqyrtoj mundësinë e ndihmës për furnizim me barin remdesivir dhe e njëjta ka kthyer përgjigje se ky medikament ende nuk ka dëshmuar siguri të mjaftueshme për trajtimin e koronavirusit.
Zëdhënësi i MSH-së Dr. Faik Hoti, ka deklaruar se ekipi shkencor për Covid-19 i korporatës amerikane kanë sqaruar se bari remdesivir është ende në eksperimentim, shkruan Gazeta Shneta.
“Kompania ka sqaruar se sipas ekipit të saj shkencor për Covid-19 ende nuk ka një trajtim të licencuar dhe se remdesivir është bari ende në eksperimentim dhe nuk ka efikasitet ose siguri të dëshmuar për koroanvirus Covid-19”, ka deklaruar Hoti.
Hoti ka deklaruar se MSH po mban kontakte me donatorë potencial për barin remdesivir dhe favipiravir, por ende nuk ka asgjë konkrete për shkak se këto barna sikurse edhe disa të tjera janë ende në fazën e eksperimentimit.
Ndërkaq Agjencia amerikane për barna dhe ushqime mbrëmë ka njoftuar se ka lëshuar një ‘aprovim emergjent’ për përdorimin e barnave anti-malarie për trajtimin e Covid-19. Barnat hydroxychloroquine and chloroquine janë ende në eksperimentim por FDA ka dhënë një autorizim të limituar për përdorimin e tyre kundër koronavirusit, ka shkruar ‘abcnews’. /Gazeta Shneta/