Presidenti i SHBA-së Donald Trump ka sugjeruar mundësinë e injektimit të dezinfektuesit në trupin e një pacienti të infektuar me koronavirus, në mënyrë që mushkëritë e tij të pastrohen.
Trump foli kështu pas prezantimit të Bill Bryan, drejtor i departamentit të shkencës dhe teknologjisë, i cili prezantoi disa hulumtime shkencore në bazë të të cilave virusi nuk mund të jetojë gjatë në temperatura të ngrohta dhe të lagështa, shkruan nbcneës.com, transmeton Gazeta Shneta.
“Virusi vdes më shpejt në rrezet e diellit”, ka thënë Bryan. Kjo deklaratë e tij ka bërë që Trump të pyes se si mund të vendoset drita brenda trupit të njeriut.
“Po supozojmë se mund ta godasim trupin me një dritë të jashtëzakonshme, qoftë ultravjollcë apo thjesht një dritë shumë e fuqishme”, ka thënë Trump duke sugjeruar Bryan se mund ta provojnë këtë metodë.
Tutje ai ka folur për dezinfektuesin. “A ka ndonjë mënyrë që mund të bëjmë ndonjë injeksion ose pastrim të brendshëm. Siç e shihni, virusi i përfshinë mushkëritë dhe shumohet aty, prandaj do të ishte interesante ta shqyrtoni këtë mundës”, ka deklaruar Trump.
Por kundërshtime të ashpra kanë ardhur nga profesionistë mjekësorë, duke përfshirë pulmologun dhe ekspertin e politikave globale shëndetësore Dr. Vin Gupta. “Kjo ide e injektimit ose konsumimit të çdo lloj produkti dezinfektues në trup është e papërgjegjshme dhe e rrezikshme. Është një metodë e zakonshme që njerëzit e përdorin kur duan ta vrasin veten”, ka deklaruar pulmologu Gupta. /Gazeta Shneta/